«Барлық деңгейдегі әкімдер жыл сайын халық алдында есеп беру кездесуін өткізсін, кездесу барысында елдегі жүргізіліп жатқан реформалар және тиісті әкімшілік-аумақтық бірліктің өткен жылдағы әлеуметтік-экономикалық дамуы жайында, оның одан әрі даму  міндеттері мен негізгі бағыттары туралы ақпараттандырсын».
(ҚР Президентінің  2005 жылғы 6 сәуірдегі №1546 «Жергілікті атқарушы органдар басшыларының халыққа есеп беру кездесулерін өткізу туралы» Жарлығынан).
2013 жылға арналған ауданның әлеуметтік-экономикалық дамуы жөніндегі жұмыстардың негізгі бағыты ең алдымен Елбасының Қазақстан халқына үндеген «Қазақстан-2050: қалыптасқан мемлекеттің жаңа саяси бағыты» атты Жолдауын, 2013-2017 жылдарға арналған әлеуметтік-экономикалық болжамын, сондай-ақ 2011-2015 жылдарға арналған ауданның даму бағдарламасын негізге алады.
Біздің жұмысымыз мемлекеттік, салалық және аумақтық бағдарламаларды орындауға бағытталды.
Бұған біздің ауданымызда қалыптасқан  ішкі саяси тұрақтылық, азаматтық қоғам институттарының бірлігі мен дамуы әсер етті.
Ауданда «Жұмыспен қамту – 2020», «Ақ бұлақ», «Бизнестің жол картасы - 2020», «Өңірлерді дамыту», «АӨК дамыту», «Саламатты Қазақстан», «ҚР білім беруді дамытудың 2011-2020 жылдарға арналған мемлекеттік бағдарламасы», «Балапан», 2011-2015 жылдарға арналған Нұра ауданын дамыту бағдарламалары және т.б. бағдарламалар жүзеге асырылуда.
Ауданның 2013 жылғы әлеуметтік-экономикалық даму қорытындысы қоғамдық саяси  жағдайдың тұрақтылығымен, өмір сүру сапасының артуы және әлеуметтік-экономикалық дамудың негізгі көрсеткіштерінің жоғарылауымен сипатталады.
қарағанды облысының әлеуметтік-экономикалық дамуы рейтингісінде Нұра ауданы 2013 жылдың қорытындысы бойынша 18 ауданның ішінде 3 орында.
2013 жылдың қорытындысы бойынша өнеркәсіптік өнім көлемі 37454,6 млн. теңгені, немесе 2012 жылға қарағанда 96,9% құрады. 
Өнеркәсіп өнімінің нақты көлем индексі – 103,2%.
Жеделдетілген индустриалды-инновациялық даму бағдарламасы аясында Қарағанды облысының индустриализациялау картасына енгізілген «Сары-Арқа спецкокс» ЖШС-нде «Арнайы кокс өндіру жөніндегі зауыт құрылысы» инвестициялық жобасын жүзеге асыру басталды.
Жобаның жалпы құны 9704,5 млн теңге, 2013 жылы ЖСҚ, жұмыс жобасы мен сызбаларын әзірлеу үшін 60,0 млн теңге игерілді.
2013 жылы индустриалау Картасына “Жартылай кокс өндіру зауыты мен көмір шығару разрезінің құрылысы” “СП Арбат” ЖШС жобасы қосылды. Жүзеге асырылу мерзімі 2013-2016 жылдар. Жобаның жалпы құны 57,0 млрд.теңге, Жобалық қуаты-3 млн.тонна көмір мен 300 мың тонна жартылай кокс. Жобаның жүзеге асырылуы көмір мен кокс өндірісін жоғарылатып, 1800 жаңа жұмыс орнымен қамтамасыз етеді.
Негізгі капиталға инвестиция құю – 35508,5 млн теңге, 2012 жылға қарағанда 3,6 есеге өсті.
Инвестицияның өсуіне 214 км ұзындыққа салынып жатқан Арқалық-Шұбаркөл темір жолының салынуы әсер етті. Темір жол 2015 жылы қолданысқа беріледі. 120 жұмыс орны құрылады. Нұрдала, Майбұлақ және Шұбаркөл станцияларын салу жоспарда бар. Шұбаркөл кентінде 18 пәтерлі 4 үй, 2 пәтерлі 8 үй, мектеп, балабақша,  темір жол вокзалы, ДЕПО салынады.
Құрылыс жұмыстарының көлемі – 7486,7 млн. теңгені құрады, 2012 жылға қарағанда 3,5  есеге өсті.
10,2 мың кв.м тұрғын үй пайдалануға берілді, 2012 жылмен салыстырғанда орындалу қарқыны – 99,7 % құрады.
Ауыл шаруашылығының жалпы өнім көлемі 17684,3 млн теңгені немесе 2012 жылға қарағанда 166% құрады. Нақты өнім индексі 132,7%.
2013 жылы барлық санаттағы шаруашылықтарда ауыл шаруашылық  дақылдарының егістік көлемі 236,1  мың га құрап, өткен жылмен салыстырғанда 2,1 мың га ұлғайды.
Ылғал қорын сақтау технологияларын қолдану аумағы 2012 жылмен салыстырғанда 6 мың га артып, жалпы егіс көлемі 160 мың га немесе 73 % құрады.
Ағымдағы жылы ауыл шаруашылық дақылдарының жоғары өнімі тіркелді. Жалпы астық жинау 240 мың тоннаны немесе 2012 жылға қарағанда  240% құрады, орташа астық өнімділігі әр гектардан  12 центнер,  18,7 мың тонна картоп немесе 2012 жылға қарағанда 106,9%,  4,7 мың тонна көкөніс, немесе 162,1% , майлы дақылдар 8,1 мың тонна, 2012 жылға қарағанда 7 есеге өсті.
Мал шаруашылығында ағымдағы жылы 11,5 мың тонна ет, 35 мың тонна сүт, 6,2 млн дана жұмыртқа өндірілді.
«Ірі қара мал етінің экспорттық әлеуетін дамыту» бағдарламасы аясында 2011-2013 жылдар аралығында аудандағы шаруашылықтармен 236 бас асыл тұқымды бұқа, 1600-ден астам бас сауын мал алынды. Сонымен қатар, «Сыбаға» бағдарламасы бойынша 98 бас асыл тұқымды бұқа сатып алынды. 2013 жылдың өзінде «Сыбаға» бағдарламасы бойынша 11 шаруашылық қожалық  жалпы сомасы 80,7 млн теңгеге 400 бас сиыр, 33 бас асыл тұқымды бұқа сатып алды.  қоғамдық табындарды асылдандыру жұмыстары жүргізілуде. Ауылшаруашылығына демеу беру мақсатында бюджеттен 453 млн.теңге бөлінді, оның ішінде егіншілік шаруашылығына 309,1 млнтеңге, мал шаруашылығына 144,2 млн.теңге бөлінді.
Кәсіпкерлікті дамыту көрсеткіштері орындалды. Ауданда шағын кәсіпкерлік субъектілер саны – 1034, 2012 жылға қарағанда 14 бірлікке артқан. Шағын және орта кәсіпкерлік субъектілерімен өндірілген өнімнің 15 %-ға (5980 млн. теңге), белсенді субъектілер санының  8 бірлікке (1006 бірлік) және жұмыспен қамтылған тұрғындардың 45 адамға (3380) ұлғаюы кәсіпкерлік белсенділіктің артқандығына дәлел бола алады. 2013 жылдың басынан бастап 5 жаңа кәсіпорын тіркелді.
Ауданның шағын және орта бизнес субъектілерімен 34 жоба бойынша  233,2 млн. теңге көлемінде несие, сонымен қоса «Нұра астық» АНС арқылы 33 жобаға 232,2 млн. теңге, «Асар көмек» шағын несие ұйымы арқылы 1 жобаға 1,0 млн. теңге көлемінде алынды. 
«Бизнестің жол картасы - 2020» бағдарламасы бойынша 2013 жылы жалпы сомасы 8,3 млн. теңгеге «Жаңа бизнес бастамаларын қолдау» - пайыздық мөлшерлемемен субсидиялау бағыты бойынша 2 жоба жүзеге асырылды (ЖК Абильдинов М – темір бетон қоршауларын дайындау, ЖК Нығметов Ғ. – жүк тасымалдауды ұйымдастыру). «Шағын және орта бизнес топ-менеджментін оқыту» жобасы бойынша ЖК Н.Жақсыбаев Астана қаласында оқып келді.
Кәсіпкерлік белсенділігі басым тұрғылықты жерлердің тұрғындарына мемлекеттік бағдарламаларға қатысуға жұмылдыру және ақпараттық-консалтингтік қызмет көрсету мақсатында Киевка кентінде, Байтуған, Ахметауыл, Баршын, Мыңбаев ауылдарында кәсіпкерлерді қолдау мобильдік орталығымен консультациялар өткізілді. 123 адамға консультация берілді.
«Даму» кәсіпкерлікті қолдау қоры» АҚ өкілдерімен «Бизнестің жол картасы - 2020» бағдарламасының  төртінші бағыты бойынша «Бизнес - Кеңесші» жобасының 10, 11, 12 кезеңдерін жүзеге асыру аясында екі күндік семинар-тренинг өткізілді. 84 қатысушы оқудан өткендіктерін растайтын сертификаттарға ие болды.
Экономика салаларының өсуі мен тұтынушылар белсенділігі бөлшек сауда тауар айналымымының оң динамикасын қамтамасыз етіп, былтырғы жылмен салыстырғанда 7 %-ға өсіп, 907,7 млн. теңгені құрады. 
Экономика салаларының дамуы нәтижесінде 375,6 млн. теңге аудан бюджетіне түсті, бұл - жоспардың 107%-ға орындалғандығы. Жоспардан тыс 23,1 млн. теңге түсті. Бюджеттің шығыс бөлігі 3817,9 млн. теңгені құрады. Соның ішінде білім беру, мәдениет, спорт, әлеуметтік төлемдер, сондай-ақ басқа да әлеуметтік бағдарламаларға 2036,3 млн. теңге жұмсалды, бұл аудандық бюджет көлемінде 53,3% құрады.Тұрғын үй коммуналдық шаруашылығына жұмсалған қаржы – 991,4 млн. теңгені немесе бюджеттің 26% құрады.
Аудандық коммуналдық меншікте тіркелген активтердің жалпы сомасы - 3721,8 млн. теңге. Аудандық коммуналдық меншікті жалға беруге байланысты 51 келісім-шарт жасалып, нәтижесінде аудан бюджетіне 2,2 млн. теңге түсім түсетін болды.
Иесіз нысандарды тіркеуге қою бойынша жұмыстар жүргізілді. Әділет органдарының тіркеуіне 107 иесіз нысан қойылды, оның 17 нысаны сот шешімі бойынша аудандық коммуналдық меншікке қабылданды.
Тұрғын үй коммуналдық саласында нақты жұмыстар атқарылды.
Сумен жабдықтау. Тұрғылықты халықтың 80% орталықтандырылған сумен жабдықталған. Сумен жабдықтау жұмысын дамытуға 755,5 млн. Теңге қаражат жұмсалды, оның ішінде:
-Баршын, Щербаков, Кертінді, Мыңбаев ауылдарында су құбырлары тораптарын қайта қалпына келтіру жұмыстарына 603,9 млн. теңге, республикалық бюджет есебінен 519,2 млн. теңге және облыстық бюджетпен бірлесіп қаржыландыру есебінен 84,7 млн. теңге;
-Тікенекті, Жаңақұрылыс, Изенді ауылдарындағы су құбырларын ағымдағы жөндеуден өткізу үшін  «Жұмыспен қамту  -2020» бағдарламасы аясында 126 млн. теңге;
-Үш ауылда (Байтуған, Көбетей ауылдары, Киевка кенті) су құбырлары тораптарын қайта жөндеуден өткізу үшін жобалық-сметалық құжаттарын әзірлеу үшін аудан бюджетінен 13,5 млн. теңге;
-Алғабас, Изенді ауылдарында су құбырларын ағымдағы жөндеуден өткізу үшін аудан бюджетінен 11,4 млн. теңге;
Су мұнараларымен пайдаланатын тұрғындар үшін «Қаратал» КММ бөлу тараптары бойынша су беру қызметіне адам басына 122,4 теңге көлемінде тариф бекітілді.
Жол. «Қарағанды-Шахтинск-Есенгелді-Щербаковское-Киевка» тас жолының жөндеу жұмыстары жалғастырылды. Ағымдағы жылда республикалық бюджет есебінен 820,4 млн. теңге бөлінді. «Шахтер-Майоровка»  жолында облыстық бюджет есебінен 67 млн. теңгеге орташа жөндеу жұмыстары жасалынды.
Аудандық бюджеттің есебінен Шахтерское ауылының ішкі жолдарының орташа жөндеу жұмыстарына 13 млн. теңге жұмсалды, жолды күтуге 22,4 млн. теңге бөлінді.
ENRC-мен жасалған меморандум арқылы Баршын ауылында 15,0 млн. теңгеге ауыл ішіндегі жолдарға ағымдағы  жөндеу жұмыстары жүргізілді.
Мемлекеттік тұрғын үй құрылысы бағдарламасы бойынша аудандық бюджеттен Киевка кентінде 10 жалдамалы екі пәтерлі тұрғын үй құрылысына 2,8 млн. теңгеге жобалық-сметалық құжаттама әзірленді. Инженерлік-коммуникациялық инфрақұрылымды дамыту және жайластыруға 2,9 млн. теңгеге ЖСҚ әзірленді.
«Қаратал» КММ жарғылық капиталын көбейтуге арнайы техника алу үшін облыстық бюджеттен 57,7 млн. теңге қаражат бөлінді. ENRC компаниясымен жасалған  мемарандум арқылы су құбырлары апатын болдырмау мақсатында 30,0 млн.теңге сомаға арнайы техникалар алынды.
Абаттандыру. Аудандық бюджеттің есебінен 20,0 млн. теңгеге және ENRC-мен меморандум арқылы 50,0 млн. теңгеге Киевка кентінің Тәуелсіздік көшесіндегі алаңда абаттандыру жұмыстары жүргізілді, субұрқақ орнатылды, «Отбасы аллеясы» ашылды, монументтің орнын ауыстыру жұмыстары жүргізілді. Алаңда 3523,4 кв.м тас төсеуіш төселді. 2000 түп ағаштар мен гүлдер отырғызылды.
«Өңірлерді дамыту» бағдарламасы аясында 19,6 млн. теңгеге ауылдарда санитарлық тазалау жүргізілді,  балалар ойын алаңдары орнатылды, көгалдандыру, көше шамдары орнатылды.
ENRC-мен меморандум арқылы Баршын ауылында 10,0 млн. теңгеге абаттандыру жұмыстары жүргізіліп, “Өңірлерді дамыту” бағдарламасы шеңберінде 19,6 млн.теңге 9 ауылда балалар ойын алаңдарын, 5 ауылда көше шамдарын орнатуға және абаттандыру шараларын жүргізуге бөлінді.  Жараспай, Кертінді, Баршын және Ақмешіт ауылдарында 33,0 млн. теңгеге 4 көпфункционалды корт салынды.
Білім мен спорт саласының өсуі. Киевка кентінде 396,3 млн. теңгеге, оның ішінде 356,7 млн. теңге республикалық бюджеттен, 39,6 млн. теңге облыстық бюджеттен ортақ қаржыландырумен 200 орынға 100 орындық жатақханасы бар кәсіби техникалық лицейдің құрылысы басталды. Қарой ауылының мектебіне қосымша ғимарат салу құрылысына облыстық бюджеттен 50 млн. теңге бөлініп, толығымен аяқталды.
«Жұмыспен қамту жол картасы-2020» бағдарламасы аясында республикалық бюджеттен Пржевал орта мектебіне 16,1 млн.теңге ағымдағы жөндеу жұмыстары жүргізілсе, Баршын орта мектебінің күрделі жөндеуіне 119,0 млн.теңге, облыстық бюджеттен ортақ қаржыландыруымен 11,9 млн.теңге бөлініп, жүргізілді.
«Шахтерское» ЖШС-мен жасалған меморандум есебінен Шахтерское ауылында дене шынықтыру-сауықтыру кешенінің құрылысы басталды. 2013 жылы «Шахтерское» ЖШС есебінен 100,0 млн теңге бөлінді.
Аудандық бюджеттен №1 КОМ-нің күрделі жөндеуіне 30,0 млн. теңге және 6 мектептің ағымдағы жөндеуіне, соның ішінде қазандық орнатып, 4 мектепте циркуляциялық насос орнатуға– 6,2 млн. теңге бөлініп, игерілді.
Мектептердің материалдық-техникалық базасы жалпы 28,3 млн. теңгеге, оның ішінде республикалық бюджеттен – 8,1 млн.теңге және аудандық бюджеттен 20,1 млн. теңгеге:2 химия кабинеті, 175 оқушы үстелі орындығымен, дәрігерлік құрал-жабдық, компьютер техникасының 35 бірлігі, 24 теннистік үстел және 7,4 млн.теңгеге кітаптар алынды.
Жыл сайынғы жалпы білімдік пәндер бойынша өтетін оқушылардың республикалық олимпиададан 2 оқушымыз 3 орын иеленді.
Аудан орталығы Киевка кентінде орналасқан 3 мектепте “E-learning” жобасы енгізіліп, жаңа компьютерлер алынды.
E-learning электронды оқыту жүйесі білім беруді модернизациялаудың басты құралы  және бүгінгі күнгі оқытудың прогрессивті формасы болып табылады.
2013 жылы 1 оқушының компьютермен қамтылуын 4,9-ға дейін төмендететін 215 компьютерлік техника алынды. 
Сонымен қатар, білім беру саласын дамытуға жыл сайынғы қаржыландыруды ұлғайтқанмен,  2013 жылы ҰБТ қорытындысы 2012 жылмен салыстырғанда 8,6 балға төмендеп, орташа балл – 62,4-ті құрады.
Денсаулық сақтау саласында жыл бойы денсаулық сақтаудың бірыңғай ұлттық жүйесінің негізгі қағидалары жүзеге асырылды. «Жұмыспен қамту жол картасы-2020» бағдарламасымен 80,0 млн. теңгеге, оның ішінде республикалық бюджеттен 70,0 млн. теңге және облыстық бюджеттен ортақ қаржыландырумен 10,0 млн.теңгеге Киевка кентінің орталық аудандық аурухана ғимараты, соның ішінде  емхана, жедел жәрдем бөлімі, туберкулез және жұқпалы аурулар бөлімдері күрделі жөндеуден өткізілді. 
Жараспай ауылында республикалық бюджеттен 55,3 млн. теңгеге фельдшерлік-акушерлік пунктінің құрылысы басталды.
Ауданда мәдениет ошақтардың 65 нысаны бар, оның 84,6 % мемлекеттік жүйеде, 66% клубтық мекемелер коммуналдық меншікте.
«Жұмыспен қамту жол картасы-2020» бағдарламасы аясында республикалық бюджеттен 2 мәдениет нысанына ағымдағы жөндеу жұмыстары: Киевка кентінің аудандық Мәдениет үйіне -28,2 млн.теңгеге және Шахтер ауылының Мәдениет үйіне – 37,6 млн. теңгеге, оның ішінде облыстық бюджеттен ортақ қаржыландырумен 3,7 млн. теңге бөлініп игерілді.
Халықты әлеуметтік қорғау. 2013 жылы жұмыспен қамту органдарының әлеуметтік қорғау шараларымен 1820 адам жұмыссыздықпен тіркелді. Жұмыс сұрап тіркелген 1255 адамның 1050 адамы жұмыспен қамтылды немесе 83,6%. Қоғамдық жұмыстарға 490 адам, кәсіби дайындыққа 91 адам жіберілді.  Аз қамсыздандырылған отбасыларды қолдау мақсатында 242 адамға 4,2 млн. теңге көлемінде мемлекеттік атаулы әлеуметтік көмек көрсетілді. 18 жасқа дейінгі балаларға 376 алушыға 13,4 млн. теңге көлемінде мемлекеттік жәрдемақы төленді.  250 отбасыға 7,3 млн. теңге көлемінде тұрғын үй жәрдемақысы төленді. 
Жұмыспен қамту және әлеуметтік бағдарламалар бөлімінің тіркеуінде барлық санаттағы 1258 мүгедек тіркелген. Аудандық бюджеттен мүгедектерді әлеуметтік қолдауға 22,1 млн. теңге жұмсалды.
«Жергілікті органдардың шешімімен жекелеген мұқтаж азаматтарға берілетін әлеуметтік төлем» бағдарламасы бойынша 210 азаматқа 2,2 млн. теңге көлемінде материалдық көмек көрсетілді. ҰОС қатысушылар мен мүгедектерге, соғыс жылдары наградталған тыл ардагерлеріне 255 мың теңге көлемінде бір реттік материалдық көмек көрсетілді.
«Жұмыспен қамту жол картасы – 2020» бағдарламасын жүзеге асыру үшін 2013 жылы 539,9 млн. теңге бөлінді.
«Жұмыспен қамту жол картасы – 2020» бағдарламасының бірінші бағыты бойынша «Тұрғын үй коммуналдық шаруашылығы мен инфрақұрылымды дамыту есебінен жұмыспен қамтуды қамтамасыз ету» аясында ауылдағы инфрақұрылымды дамыту үшін 462,3 млн. теңге бөлінді.  Барлығы - 249 адам, оның 164 адамы Жұмыспен қамту орталығының жолдамасымен жұмыспен қамтылды.
«Кәсіпкерлікті және тірек ауылдарды дамыту арқылы жұмыс орындарын ашу» екінші бағыты аясында 2014 жылдың 1 қаңтарында:
- Бағдарламаның 23 қатысушысына 32,8 млн. теңге көлемінде шағын несиелер берілді;
- «Кәсіпкерлік негіздері» оқу курсынан өту үшін 59 адам жіберілді;
- Инженерлік-коммуналдық инфрақұрылым-
ды дамыту және жиынтықтауға 10 млн. теңге бөлінді.
«Жұмыс берушінің талабы аясында оқыту және қоныс аудару арқылы жұмыспен қамтуға жәрдемдесу» үшінші бағыты аясында кәсіби дайындық, қайта даярлау және біліктілікті арттыруға, әлеуметтік жұмыс орындарын құруға, жастар тәжірибесін ұйымдастыруға бөлінген сома 16,6 млн. теңгені құрады. Әлеуметтік жұмысқа 45 адам, жастар тәжірибесіне 49 адам жіберілсе, олардың 42 жұмысқа орналасты.
Ауылдық жерлердегі әлеуметтік сала мамандарын әлеуметтік қолдау шараларын жүзеге асыру мақсатында көтерме ақы төлеу үшін республикалық бюджеттен мақсатты трансферттер 4,6 млн. теңге көлемінде (38 маманға 12170 теңгеден), ауылдық жерлерге жұмыс істеуге келген әлеуметтік сала мамандарына тұрғын үй алу үшін 64,9 млн. теңге (25 маманға) көлемінде бюджеттік несие бөлінді.
Әлеуметтік-саяси жағдай. Жергілікті атқарушы органдардыі ішкі саясат саласының қызметі мемлекеттілікті нығайту, азаматтардың әлеуметтік оптимизмін қалыптастыру және аудан тұрғындарын біріктіруге бағытталған.
Ішкі саясат қызметі: ақпараттық  саясатты өткізу, қоғамдық-саяси, діни салаларда жұмыс жасау, жастармен жұмыс.
Ел көшбасшысы Н.Ә. Назарбаевтың «Қазақстан-2050 стратегиясы: қалыптасқан мемлекеттің жаңа саяси бағыты» атты Жолдауы атқарушы билік іс-әрекетінің бастамасы болып табылады.
Мемлекеттік органдармен бірлесе отырып, ауданның қоғамдық-саяси жағдайы, мемлекеттік органдар мен азаматтық қоғам институттарының ынтымақтастығының дамуы реттеліп, аудан тұрғындарын мемлекеттік саясаттың тұрақты бейнесін қалыптастыруға бағытталған мағлұматтармен ақпараттандыру жүйесі құрылды.
Аудандағы ұлтаралық және конфессияаралық, қоғамдық-саяси жағдайды бекіту жолында алға қойылған тапсырмаларды орындап, артықшылықтарды белгілеу бойынша саяси партиялармен, діни бірлестіктермен, ҮЕҰ мен БАҚ бірлесіп, іс-шаралар өткізілді.
Есептік кезең ішінде құрамына ауданның құрметті, атақты азаматтары, әлеуметтік ой-пікірдің жетекшілері кіретін аудан әкімдігі жанынан құрылған Әлеуметтік кеңес белсенді қызмет атқарды. 
Жалғасы, басы 2 бетте
Кеңес бюджет жобасы, басқарушы қызметке үміткерлерді келісу сияқты маңызды сұрақтарды қарастырды.
Азаматтық қоғамды дамыту, Елбасының алға қойған тапсырмаларын орындау және аудан тұрғындарымен тиімді жұмыс атқару мақсатында аудан тұрғындарына қолайлы «Ашық әкімдік» бағдарламасы қызмет етеді.
Осы бағдарлама арқылы аудан тұрғындары атқарушы билікпен тікелей байланысқа түссе, атқарушы билік тұрғындармен кері байланысты жақсартып, ауданда болып жатқан іс-шаралардан хабардар болып отыр. Бұл тәжірибе тұрғындармен байланыстың маңыздылығын және аудан әкіміне өз пікірлерін білдіруге жол ашты.
Аудан көлеміндегі қоғамдық-саяси жағдай мен болып жатқан жаңалықтарды аудан, облыс, республика көлемінде тарататын «Нұра ТВ» аудандық интернет-телеарнасы 2 жылдай жұмыс жасап келеді.
Қоғамдық ұйымдар мен азаматтық бастамалардың қолдауы жүзеге асырылуда. Үкіметтік емес ұйымдар арқылы әлеуметтік-маңызды жобаларды орындау үшін аудандық бюджеттен 2,00 млн.теңге бөлініп, игерілді.
Ауданның ҮЕҰ белсенді қызметін атап кетуге болады. 2013 жылы ауданда бірінші рет фандрейзинг (әлеуметтік саланы дамыту жолында қайырымдылық қорлар мен гранттар қаражатын жұмылдыру) жүзеге асырылды.
Мысалы, «Жалғызбасты және қараусыз қалған қарттарды асырау және күту» ҚБ (жетекшісі Г.Тусупбекова) Япония Үкіметінің «Корни травы» адамзат қауіпсіздігін қамсыздандырудың кіші масштабтағы әлеуметтік бағдарламаларға қайтарымсыз көмек» (78 млн.теңге) бағдарламасы бойынша гранттық жобаны жеңіп алды. Осы қаражатқа қоғамдық бірлестік ғимаратқа күрделі жөндеу жұмыстарын жүргізіп, жиһаздан мүгедектер мен қарт адамдарға жататын 30 кереует сатып алды. 2013 жылғы жобаны қорғауда арнайы Япония елшісі қатысты. Биылғы жылы да «Корни травы» жобасында осы ҮЕҰ қатысып жатыр.
«Экоцентр» ҚБ бірлесіп, 2013 жылдан бастап ауданда «Жергілікті саясаттың қалыптасуында әлеуметтің қатысуын күшейту» (АҚШ Елшілігінің гранты)  жобасы жүзеге асырылуда. Нәтижесінде ҮЕҰ ресурстық орталығы құрылды; Кертінді, Мыңбаев және Ақмешіт ауылдарында пилоттық  тәртіпте жергілікті өзін-өзі басқару органдары құрылуда.
Қазіргі заманғы қоғамды дамытудың басты бағыты – мемлекеттік жастар саясатын жүзеге асыру болып табылады. Біздің облыста 14 пен 19 жас аралығындағы жастар 27,5 пайызды құрайды.
Облыс әкімінің тапсырмасы бойынша 2013 жылдың ақпан айынан бастап «Нұра ауданы жастарының ісі жөніндегі орталық» КММ құрылды. Орталықтың ашылуына 2013 жылы 5,0 млн. теңге бөлінді. Қайта құрылған Орталық қызметінің арқасында жастармен жұмыс жақсарды.
Жас мамандарға арналған тұрғын үймен қамтамасыз ету, көтерме ақы сияқты қажетті іс-шаралар «Дипломмен-ауылға» жалпыұлттық бастамасы арқылы жүзеге асыру жоспары орындалып жатыр. 2013 жылы 38 жас маман жұмысқа орналасып, 4,6 млн.теңге мөлшерінде көтерме ақы, 28 адам 65,0 млн.теңге көлемінде тұрғын үйге пайызсыз несие алды.
Ауыл жастарына қолдау көрсету мақсатында 2013 жылы облыс әкімі ауданның 2 жас кәсіпкерлеріне өз істерін ашуға грант бөлді (Шахтер ауылында көліктерге қызмет көрсету бекеті, Мыңбаев ауылында мал шаруашылығын дамыту). 
Біздің қызметіміздің басты бағыты мемлекеттік органдармен, жастар саласындағы діни экстремизм идеясын таратуға жол бермеу бойынша діни конфессиялармен толыққанды жұмыс жасау болып табылады.
Аудан бойынша 300 қоғамдық-саяси іс-шаралар ұйымдастырылды.
2013 жылы атқарушы билік аудандағы саяси, ұлтаралық және конфессияаралық жағдайды нығайту мақсатында аудан әкімі аппаратының барлық құрылымдық  бөлімдері, ауданның ауыл шаруашылық құрылымдары, «Нұр Отан» партиясының филиалы, діни бірлестіктер және БАҚ-пен өзара тығыз қызмет атқарды.
Ауданның әр тұрғыны Елбасы басшылығымен болып жатқан мемлекетіміздің жетістіктерін, біздегі өзгерістерді өзге халықтардың мойындағанын сезініп, білуі үшін атқарушы билікке зор жауапкершілік жүктелген.  Мемлекеттік органдардың тәртіпке салынған жұмыстарының арқасында аудан азаматтарының әлеуметтік оптимизмін қалыптастыратын, мемлекетте өткізіліп жатқан реформалар бағытын қолдау жолында тұрғындардың бірігуіне себепші болатын тыныш та тұрақты жағдай сақталып келеді.
2014 жылдағы ең басты оқиға Ел Көшбасшысы Н.Ә.Назарбаевтың «Қазақстан жолы – 2050: Бір мақсат, бір мүдде, бір болашақ» атты халқына Жолдауы болып табылады.
Біз үшін Жолдау – 2050 Стратегиясын жүзеге асыруға арналған Жол картасы, стратегиялық құжат болып табылады. Ауданның атқарушы органдары алдағы жұмыстарына жоспарды Жолдауға жүгіне отырып атқарады және Қазақстанның әлем елдері ішінде ең дамыған 30 елдің қатарына  кіруіне өз үлестерін қосады.
2014 жылға жопарлар мен міндеттер.
Өнеркәсіп. 2014 жылға өнеркәсіп өнімінің көлемі 38148 млн.теңге деп жоспарланған, немесе 2013 жылға қарағанда 101,5 %. Нақты көлем индексі 103%.
Негізгі капитал инвестициялары. Негізгі капитал инвестицияларының көлемі 31290 млн.теңге, немесе 2013 жылмен салыстырғанда 105%. Оның ішінде өнеркәсіп кәсіпорындарымен – 8140 млн. теңге, ауыл шаруашылығы – 600 млн.теңге, «Арқалық-Шұбаркөл» темір жолының құрылысы – 17000 млн.теңге, бюджеттік инвестициялар – 1960 млн. теңге.
Ауыл шаруашылығы. Ауыл шаруашылығының жалпы өнім көлемі 2014 жылға -14000 млн.теңгеге жоспарланған, немесе 2013 жылмен салыстырғанда 81,6%. Нақты көлем индексі 95%.
Тұрғын үй құрылысы.  2014 жылы 10,4 мың м.кв үй кіргізу жоспарланған, немесе 2013 жылға қарағанда 101%.
Кәсіпкерлікті дамыту. Кіші және  орта бизнеспен өндірілген өнімнің (жұмыс, қызмет) көлемі – 5880 млн. теңге немесе 2013 жылмен салыстырғанда 105% жоспарланған. Кіші және орта бизнеспен айналысатындардың саны 2% өседі деп күтілуде.
Бөлшек тауар айналымының көлемі 977,2 млн.теңгеге жоспарланған. Нақты көлем индексі 107%.
Қаржылық көрсеткіштер. Аудандық бюджеттің  2014 жылғы табысы – 413,7 млн.теңге көлемінде жоспарланған. 2014 жылы аудандық бюджет – 2770,9 млн.теңгені құрады.
2014-2016 жылға аудан бюджеті бекітілді.
2014 жылы келесі іс-шараларды жүзеге асыру жоспарланған:
Бюджеттік инвестициялар.
Республикалық бюджет қаражатынан:
-Киевка кентінде 410,0 млн. теңгеге, 200 орынға 100 орындық жатақханасы бар кәсіби техникалық лицейдің құрылысы;
-Киевка кентінде 320 көрермендік орны бар дене шынықтыру-сауықтыру кешенінің құрылысы – 272,6 млн. теңге;
-«Қарағанды-Шахтинск-Есенгелді-Щербаковское-Киевка» автожолын қайта жөндеуден өткізу- 1000,0 млн.теңге;
-Киевка кентінде 2 қабатты 24-пәтерлік тұрғын үйге инженерлік- коммуникациялық инфрақұрылым құрылысы – 35,5 млн.теңге;
«Аймақ дамуы» бағдарламасы бойынша  - 22,6 млн.теңге бөлінді. Оның ішінде: 15 ауылдық елді мекендердегі рұқсат етілмеген қоқыстарды жоюға – 8,7 млн.теңге, 4 елді мекенде аулалық балалар ойын алаңдарын орнатуға – 4,2 млн.теңге, 4 елді мекенде көшелерді жарықтандыруға – 8,0 млн.теңге, Жараспай ауылын абаттандыруға – 0,6 млн.теңге және Ахмет ауылының су құбырына ағымдағы жөндеу жүргізуге – 1,1 млн.теңге.
«Жұмыспен қамту жол картасы-2020» бағдарламасы аясында – 91,1 млн.теңге бөлінді. Оның ішінде:
-Білім беру объектлерін жөндеуге – 38,7 млн. теңге;
-Шұбаркөл кентінің арна жүйесін күрделі жөндеуден өткізуге – 29,7 млн. теңге;
-Тассуат ауылының ішкі жолдарын(1,6 км) орташа жөндеуден өткізуге - 22,7 млн.теңге.
Облыстық бюджет қаражатынан:
Киевка кентінде  200 орынға 100 орындық жатақханасы бар кәсіби техникалық лицейдің құрылысына ортақ қаржыландырумен – 71,1 млн. теңге;
-Жараспай ауылында фельдшерлік-акушерлік пункттің құрылысы – 6,1 млн. теңге;
-Киевка кентінде 2 қабатты 24-пәтерлік тұрғын үй құрылысы – 3,4 млн. теңге;
-Киевка кентінде 2 қабатты 24-пәтерлік тұрғын үйге инженерлік- коммуникациялық инфрақұрылым құрылысына ортақ қаржыландырумен  – 3,9 млн.теңге;
-Киевка кентінде 320 көрермендік орны бар дене шынықтыру-сауықтыру кешенінің құрылысына ортақ қаржыландырумен – 116,8 млн. теңге;
-Шахтер ауылындағы құрылысы аяқталмаған ДСК ғимаратын құрылыстың қалдық құнын анықтау мақсатында техникалық тексеруден өткізу – 3,7 млн.теңге.
Аудандық бюджет қаражатынан:
-Су құбырларын қайта жөндеуден өткізуге жобалық-сметалық құжаттаманы әзірлеуге – 22,0 млн.теңге, оның ішінде: Карой ауылына – 11,0 млн. теңге және Ақмешіт ауылына – 11,0 млн. теңге;
-Киевка кентіндегі Ақпасов көшесіне  2-пәтерлі  10 тұрғын үй құрылысының жобалық-сметалық құжаттамасын әзірлеуге – 10,5 млн.теңге;
-Инженерлік-коммуникациялық инфрақұрылымның дамуына және жайғастыруға  жобалық-сметалық құжаттамасын әзірлеуге – 4,5 млн.теңге;
-Баршын ауылында мал зираты құрылысының жобалық-сметалық құжаттамасын әзірлеуге – 1,0 млн.теңге;
Жаңа жұмыс орнын ашу. Инвестициялық жобаларды жүзеге асыру қорытындысы бойынша 70 жаңа жұмыс орындарын ашу жоспарланып отыр.
2013 жылға қойылған тапсырмалар мен жоспарланған іс шаралар аудан активінің, атқарушы және өкілетті органдардың, сонымен қатар қоғамның белсенді қатысуымен жүзеге асырылды. Біздің ауданымыздың әлеуеттілігі әлеуметтік және экономикалық саланың дамуын күшейтетін жаңа жобаларды жүзеге асыруға ыңғайланған. Аудан тұрғындарының жағдайын жақсарту жолындағы іс шаралар одан әрі де жалғасын табады.
2014 жылға қойылған міндеттер стратегиялық құжатқа, Ел Президенті, Ұлт көшбасшысы Нұрсұлтан Әбішұлы Назарбаевтың 2014 жылғы 17 қаңтардағы «Қазақстан жолы-2050: Ортақ мақсат, ортақ мүдде, ортақ болашақ» Жолдауы негізге алынған бюджеттік бағдарламалар әкімшіліктерінің жұмыс жоспарларына енгізілді.

Аудан жаңалықтары

Аймақ жаңалықтары

Мемлекеттік бағдарламалар

Сұрау

Валюта бағамдары

Ауа-райы

Ақпараттық порталды қалай бағалайсыз? ОТВЕТИТЬ
Доллар 330.00
Евро 390.72
Рубль 5.65
В Нуринске сейчас: 2°C ашық
  • Дымқылдылық: 36%
  • Қысым: 719
  • Жел: 2 м/с

© 2007-2012 Информационный портал аппарата акима Нуринского района
© 2012 Разработка и поддержка: Интернет-компания «Creatida»